ITXAS SOINUA NAZIOARTEKO MUSIKALDIA
Kaixo Lagun! Prest zaude 2026an musikaldiaren 46. ediziorako? Azken urteetan egin izan dugun bezala, mundu klasikoko eta modernoko musika proposamenik onenak dakarzkizugu aurten ere.
Edizio honetan denetarik izango dugu. Musika klasikoa gustoko dutenentzat, Garikoitz Mendizabal eta Gorka Hermosaren txistu eta akordeoi melodietatik hasi, Ahaire zehar-txirula ensemble apartak dakarren aire freskotik pasatuz, Landarbaso abesbatzak gurean interpretatuko dituen pieza apartez gozatu ahal izango dugu.
Musika modernoa, jazz-a eta erritmo latinoak gogoko dituztenentzako, Chiara Pelloni abeslari italiarraren eta Irati Bilbao abeslariaren arteko elkarlan berezia izango dugu gurean, baita Iker Figueroa tronboilari Lekittarrak lideratutako La Quinta Planta taldearen erritmo salsero biziak ere. Dantza egiteko modukoak!
Beti bezala, adi egon albisteei. Eta gogoratu zuen sarrerak bertatik bertara eta on-line aldez aurretik erosteko aukera izango duzuela!
Beti bezala, espero dugu denok guk bezalako zirrara sentitu dezazuela eta aurtengo Itxas Soinua Nazioarteko Musikaldiaz goza dezazuela! Eskerrik asko ikusle ;)
Eman begirada bat aurten datorrenari:
-
![]()
Uzt. 10 | Garikoitz Mendizabal & Gorka Hermosa
Garikoitz Mendizabal eta Gorka Hermosa musikari entzutetsuen azken proposamena izango dugu gurean. “Sustraien Matxinada”, tradizioa eta modernitatea uztartzen dituen proiektua da, euskal kulturari XXI. Mendeko ikuspegia eskainiz.
-
![]()
Uzt. 11 | Ahaire Ensemble
Ahaire, lau emakumek osatutako zehar-txirula ensemblea da. “Ecos Del Más Allá” proposamena dakarte aurten gurera, poesiarekin lotura estua eta sakona duen kontzertu-programa.
-
![]()
Uzt. 12 | Landarbaso
Landarbaso 1991an sortutako abesbatza da, eta 18-28 urte bitarteko musikari gaztez osatua dago. Nazioarteko hainbat lehiaketatan parte hartu ondoren 27 sari lortu dituzte.
-
![]()
Uzt. 18 | Chiara Pelloni & Irati Bilbao
Chiara Pelloni abeslari italiarrak eta Irati Bilbao euskal abeslariak, beraien errepertorioak uztartuko dituzte, euren azken lanak batera abestuz. Nazioarteko eta bertako talentuaren fusio aparta izango dugu gurean.
-
![]()
Uzt. 19 | La Quinta Planta
Iker Figueroa tronboilari Lekittarra lider duen taldea da La Quinta Planta. Jazz latinoan eta afrokubatarrean oinarritutako proiektu musikal berezieta aberatsa, tradizioa eta sormen garaikidea uztartzen dituena.
